Çамрăк мăшăр ода

Тин ҫуралнӑ ҫамрӑк мӑшӑр!

Ҫак ҫут куна асра тытӑр,

Тӑвансене ан пӑрахӑр,

Яланах пӗрле савӑнӑр.

Пӗрне-пӗри юрататӑр —

Вӑл ҫӳлтен панӑ туйӑмӗ,

Иккӗн выртса виҫҫӗн тӑрӑр

Чӑн упӑшкипе арӑмӗ.

Нихҫан пӗр-пӗрне ан манӑр

Арлӑ-арӑмлӑ ҫамрӑксем,

Аҫу-аннӳне тав тӑвӑр,

Ҫуратса ӳстернӗ вӗсем.

Йӗппе ҫип пек туслӑ пулӑр,

Ывӑлсем кӑна ҫуратӑр,

Куллен упранса пурӑнӑр,

Пуласлӑх ҫинчен шухӑшлӑр.