Сăваплăхшăн тата тивĕçлĕхшĕн тăнă кĕрешÿре сана чи шаннă çынсем сутрĕç пулсан та, сан йери-тавра тăшмансем пулсан та, эсĕ тăр пĕччен тăрса юлтăн пулсан та, — ан парăн! Пĕл: эсĕ нихăçан та пĕччен юлмăн, санăн юн тымарĕсенче несĕлÿсен, сăваплă арсен юнĕ юхать! Çав юн сана нихăçан та сутмĕ, кирек мĕнле йывăрлăхра та çăлĕ! Эсĕ те çак юна ан сут!
Несĕлсен пехилĕ
- Эпир, «Сувар» хаҫат ӗҫченӗсем, тӑван чӗлхепе культура хӳтӗлевӗшӗн пыракан кӗрешӳ айккинче юлма пултараймастпӑр, — ҫирӗппӗн хӑйӗн шухӑшне пӗлтерет Тутарстанри «Сувар» хаҫатӑн тӗп редакторӗ К. А. Малышев. — Ун пек кӑна та мар, пирӗн ҫав юхӑма ертсе, йӗркелесе тата вӑйлатса пымалла.