Сăваплăхшăн тата тивĕçлĕхшĕн тăнă кĕрешÿре сана чи шаннă çынсем сутрĕç пулсан та, сан йери-тавра тăшмансем пулсан та, эсĕ тăр пĕччен тăрса юлтăн пулсан та, — ан парăн! Пĕл: эсĕ нихăçан та пĕччен юлмăн, санăн юн тымарĕсенче несĕлÿсен, сăваплă арсен юнĕ юхать! Çав юн сана нихăçан та сутмĕ, кирек мĕнле йывăрлăхра та çăлĕ! Эсĕ те çак юна ан сут!
Несĕлсен пехилĕ
Ашшĕ-амăшĕ пиллесен — пин пулать, пиллемесен — кĕл пулать.
Çĕклĕнтĕн хăв, çĕкле хăвăн йăхна.
Хура çăкăр çиекен хура пулман тет.
Ӗлӗкхи йӑлапа
Кӑҫал кӑмпа нумай пулнине кура, халӑх карҫинкка, витре е михӗ тытса вӑрманалла утать. Вӑрманта тӗрли пулать. Хӑшӗ аташса кайма та пултарать.
Шыв ашшӗ, шыв амӑш, каҫар мана, эпӗ ҫӑлтан шыв ӗҫесшӗн, хӗн-асап ан пар. Шыв ашшӗ, шыв амӑш, каҫар мана. Эп сан шывна ӗҫсе савӑнтӑм. Каҫар мана, хӗн-асап ан пар.
Эй Турӑ, Турӑ папай, ырӑ ҫула кӑлар мана, Турӑ, Турӑ папай, хамӑн ҫула хама туптар, шыраттар.
Кӑмпа пуҫтарса ҫӳренӗ май ҫӑл куҫӗсем патне те пӗрре мар сиксе тухма пулать. Ун умне ҫитсен сиплӗ шыва ӗҫмесӗр чун чӑтмасть, паллах.
Эй Турӑҫӑм! Ҫул кӑтартса пыр, ертсе пыр мана, упра мана, йӑлтӑр ҫутӑ пар та сӳнми пайӑркаллӑ ҫӑлтӑр ту манран. Эсӗ хӑватлӑ та вӑйлӑ, эсӗ ырӑ та сӑваплӑ. Мана хӑвӑн сӑвапна кӑтарт. Вӑй-хӑват пар, ура ҫине тӑрса малалла утма ҫӑмӑллӑх ыйтатӑп.
