Сăваплăхшăн тата тивĕçлĕхшĕн тăнă кĕрешÿре сана чи шаннă çынсем сутрĕç пулсан та, сан йери-тавра тăшмансем пулсан та, эсĕ тăр пĕччен тăрса юлтăн пулсан та, — ан парăн! Пĕл: эсĕ нихăçан та пĕччен юлмăн, санăн юн тымарĕсенче несĕлÿсен, сăваплă арсен юнĕ юхать! Çав юн сана нихăçан та сутмĕ, кирек мĕнле йывăрлăхра та çăлĕ! Эсĕ те çак юна ан сут!
Несĕлсен пехилĕ
Халӑх ӑс-хакӑлӗн чи авалхи пурлӑхӗ — ӑрӑмлӑ сӑмахлӑхӗ — ку кӗнекере пӗрремӗш хут пичетленсе тухать. Вӑл Чӑваш патшалӑх гуманитари ӑслӑлӑхӗсен институчӗ кӑларакан 50 томлӑ ярӑма кӗрет, «Мифсем, легендӑсем, халапсем» (2004) ятлӑ пӗрремӗш томпа тачӑ ҫыхӑнса тӑрать.