«Сувар» хăна çуртне Европа чемпионачĕ тĕлне хута ярĕç?

2015 çулта Шупашкарта çăмăл атлетикăпа ушкăнсем хушшинчи 6-мĕш тĕнче чемпионачĕ иртмелле. Унччен вăхăт нумай пулин те хатĕрленме пуçланă та ĕнтĕ. Паянхи ларура шăп та лăп çак ыйтăва пăхса тухрĕç.

Республикăн спорт министрĕ пĕлтернĕ тăрăх атлетсене илсе килессине тата кунта пурăннă вăхăтра тăкаксене саплаштарассине Европăн çăмăл атлетика ассоциацийĕ хăйĕн çине илнĕ. Хулари спорт çурчĕсене çĕнетсе хăт кĕртессишĕн вара пĕтĕмпех республика яваплă пулĕ. Пурĕ 213 миллион тенкĕ тăкаклама палăртнă, вĕсенчен 113 миллионĕ «Олимпийский» стадионпа «Спорт» хăна çурчĕ валли каймалла.

Канашлăва хутшăнакансем «Сувар-отель» пирки калаçу пуçланă май кунти ĕçе халь те пуçламанни вĕсене пăшăрхантарчĕ. Шупашкар хула администрацийĕн пуçлăхĕ Алексей Ладыков «Одис» компани (вăл çак çурта туяннă) ĕçе 1-мĕш кварталта пуçлама шантарни пирки пĕлтерчĕ. Михаил Игнатьев вара хăйĕн сăмахĕнче çирĕпрех пулчĕ: «Çулталăк каяллах шантарсаччĕ. Тепĕр çул иртсен чемпионат вăхăчĕ те çитсе тăрать. Пуçласшăн мар пулсан çурта туса çитерме пултаракансене сутччăр. Çыранхĕррин сăнне пăсса тăрать. Баннер карса илемлетччĕр хăть, аттук хитре мар».

Çăлкуçhttp://chuvash.org/news/2495.html

Разделы: