Чӑвашсен историпе культури пирки кӗнеке тухнӑ

Чуваши Присвияжья: история и культураШупашкарта Чăваш патшалăх гуманитари ăслăлăхӗсен институчӗн "Чăвашсем хальхи тӗнчере: истори тата культура" кӗнеке серин иккӗмӗш кăларăмӗ тухнă. Ӑна "Чуваши Присвияжья: история и культура" ят панă.

ЧР Культура министерстви пӗлтернӗ тăрăх, кӗнекере Сӗве тăрăхӗнче пурăнакан чăвашсен историпе культурине ҫутатса панă. Унта Тутарстан, Чӗмпӗр облаҫӗ, Чăваш Республики кӗнӗ. Унта уявсене, ҫемье йăлисене, пултарулăхне, фольклорти тӗрлӗ жанра тишкернӗ.

Ӗҫе ушкăн пурнăҫланă. Ун йышне этнографсем, музыковедсем, социологсем, фольклористсем, чӗлхеҫӗсем кӗнӗ.

Кăларăм 1 пин тиражпа тухнă. Вăл этнографи, истори, гуманитари енӗпе ĕлекенсемшӗн, студентсемшӗн, шкулта вӗренекенсемшӗн усăллă.

Сăмах май, кӗнеке серинчи пӗрремӗш кӗнеке "Симбирско-саратовские чуваши" ятлă.

Софья Савнеш
Хыпар çăлкуçĕ: http://chuvash.org/news/8173.html