Кăкшăм кÿлли

Атăл леш енче, йăлăм ĕшнинче

Кăкшăм ятлă вăрăм кÿлĕ пурччĕ,

Кÿлĕри шур чечеклĕ кÿкĕрчен

Сарă шăркипеле илĕртетчĕ.

 

Çыр çийĕнчен лĕпĕшсем вĕçетчĕç

Илĕртÿллĕ кÿкĕрчĕне савса,

Йĕп вăррисем пĕр харăс тухатчĕç

Вĕсене кĕтмен çĕртен шуйхатса.

 

Атăл шывĕ ГЭС хыççăн хăпарсан

Çут кăкшăм кÿлĕ çухалчĕ путса,

Кÿкĕрчен шывпа кайрĕ пуль юхса

Хăйне валли хÿтĕлĕх шыраса.