Сăваплăхшăн тата тивĕçлĕхшĕн тăнă кĕрешÿре сана чи шаннă çынсем сутрĕç пулсан та, сан йери-тавра тăшмансем пулсан та, эсĕ тăр пĕччен тăрса юлтăн пулсан та, — ан парăн! Пĕл: эсĕ нихăçан та пĕччен юлмăн, санăн юн тымарĕсенче несĕлÿсен, сăваплă арсен юнĕ юхать! Çав юн сана нихăçан та сутмĕ, кирек мĕнле йывăрлăхра та çăлĕ! Эсĕ те çак юна ан сут!
Несĕлсен пехилĕ
Ашшĕ-амăшĕ пиллесен — пин пулать, пиллемесен — кĕл пулать.
Çĕклĕнтĕн хăв, çĕкле хăвăн йăхна.
Хура çăкăр çиекен хура пулман тет.
Ҫерҫи пӗчӗк пулсан та —
Вӑл хуралҫӑ картишре,
Чӗвӗлтетет ют ҫын пырсан
Чӗнсе кил хуҫине пӳртрен.
Ҫерҫи кушака курса
Вӗҫет пӑрлатса ҫӳле.
Йытӑ ӳплере ҫывӑрса
Ҫӗклет ик хӑлхине пӗрле.
Кушак патне ҫывхарса
Какӑлтатать хур аҫи,
Ҫунатсене кӑштах сарса
Тӑсӑлать мӑйӗ хӑратса.
Автан ҫунатне ҫапса
Авӑтать чӗвен тӑрса.
Кушак хурине пусарса
Чупать пахчана васкаса.
Ҫерҫи — шӑпчӑк тӑванӗ,
Вӑл хуралҫӑ картишре.
Шӑпчӑкпа ҫерҫин пӗр сӑнӗ,
Сасси янрать ирпе-ирех.
