Сăваплăхшăн тата тивĕçлĕхшĕн тăнă кĕрешÿре сана чи шаннă çынсем сутрĕç пулсан та, сан йери-тавра тăшмансем пулсан та, эсĕ тăр пĕччен тăрса юлтăн пулсан та, — ан парăн! Пĕл: эсĕ нихăçан та пĕччен юлмăн, санăн юн тымарĕсенче несĕлÿсен, сăваплă арсен юнĕ юхать! Çав юн сана нихăçан та сутмĕ, кирек мĕнле йывăрлăхра та çăлĕ! Эсĕ те çак юна ан сут!
Несĕлсен пехилĕ
Ашшĕ-амăшĕ пиллесен — пин пулать, пиллемесен — кĕл пулать.
Çĕклĕнтĕн хăв, çĕкле хăвăн йăхна.
Хура çăкăр çиекен хура пулман тет.
Ҫӑлтӑрла тӳпе каҫхине
Таврана кӑвак тӗс парать.
Уйӑх хӑпарса кӗркунне
Ҫӗр ҫине кармашса пӑхать.
Ҫырма хӗррипе ҫуталса
Кукӑр-макӑр сукмак каять.
Хӗвел тухӑҫне васкаса
Мӗлкесем хӑварса чупать.
Карчӑк вӗттӗн-вӗттӗн пусса
Ӳсӗрсе туяпа пырать,
Каҫхи шурӑмпуҫа пӑхса
Вӑхӑтран-вӑхӑта канать.
Ӳпре пӗлӗт пек явӑнса
Хӑлха патӗнчех ҫӗрленет.
Мулкач хӳтӗлӗх шыраса
Вӑрман еннелле сиктерет.
Упа лӗпӗшӗ курӑнса
Сукмак ҫине вӗҫсе тухать,
Чечексен хушшинче ларса
Ҫара ҫерҫирен пытанать.
Тӑмана ҫӗрле хӑратса
Вӑрман айӗнче ӳхӗрет,
Кайӑк-кӗшӗке сӑнаса
Сунара шӑпланса вӗҫет.
Уйӑх кӗркунне хӑпарса
Ҫӗр ҫине кармашса пӑхать,
Уй-хир урлӑ каҫасси мар
Ӗмӗр ҫыхӑнса тайӑлать.
