Сăваплăхшăн тата тивĕçлĕхшĕн тăнă кĕрешÿре сана чи шаннă çынсем сутрĕç пулсан та, сан йери-тавра тăшмансем пулсан та, эсĕ тăр пĕччен тăрса юлтăн пулсан та, — ан парăн! Пĕл: эсĕ нихăçан та пĕччен юлмăн, санăн юн тымарĕсенче несĕлÿсен, сăваплă арсен юнĕ юхать! Çав юн сана нихăçан та сутмĕ, кирек мĕнле йывăрлăхра та çăлĕ! Эсĕ те çак юна ан сут!
Несĕлсен пехилĕ
Ашшĕ-амăшĕ пиллесен — пин пулать, пиллемесен — кĕл пулать.
Çĕклĕнтĕн хăв, çĕкле хăвăн йăхна.
Хура çăкăр çиекен хура пулман тет.
Куля, Микуль, Микулай,
Эс ҫуралнӑ ҫуркунне:
Малтан курма аннӳне,
Ӗмме унӑн кӑкӑрне.
Пӑхнӑ эс аҫу ҫине
Кӑвак куҫпа йӑл кулса,
Сарӑ хӗвел ҫуттине
Палӑртнӑ йӑлтӑртатса.
Ҫуралнӑ эс ҫуркунне
Юратса пуш уйӑхне,
Курнӑ тӗнче илемне —
Хӗрарӑмсен уявне.
Куля, Микуль, Микулай,
Пуплеместӗн эс нумай:
Хӑвӑн ӗҫне пӗлетӗн,
Пур ҫӗре те ҫитетӗн.
