Сăваплăхшăн тата тивĕçлĕхшĕн тăнă кĕрешÿре сана чи шаннă çынсем сутрĕç пулсан та, сан йери-тавра тăшмансем пулсан та, эсĕ тăр пĕччен тăрса юлтăн пулсан та, — ан парăн! Пĕл: эсĕ нихăçан та пĕччен юлмăн, санăн юн тымарĕсенче несĕлÿсен, сăваплă арсен юнĕ юхать! Çав юн сана нихăçан та сутмĕ, кирек мĕнле йывăрлăхра та çăлĕ! Эсĕ те çак юна ан сут!
Несĕлсен пехилĕ
Ашшĕ-амăшĕ пиллесен — пин пулать, пиллемесен — кĕл пулать.
Çĕклĕнтĕн хăв, çĕкле хăвăн йăхна.
Хура çăкăр çиекен хура пулман тет.
Египтянла скарабей «хепри» ятлӑ,
Ӗлӗкренех тӗнче-хӗвел символӗ.
Скарабей ывӑнми-канми ӗҫлӗхлӗ,
Ытти нӑрӑсенчен уйрӑлса тӑнӑ.
Скарабей нӑрӑ шанчӑклӑ, тирпейлӗ,
Хӑйӗн таса ӗҫӗпе тӗлӗнтерет,
Усал сӑмахран яланах хӳтӗлет.
Ҫылӑхсӑр скарабей туйӑма ҫӗклет.
Карнакӑн пӗртен-пӗр тӗрнекне вӗҫлет
Чуллӑ нӑрӑ сыхласа авалхине,
Ҫухалнӑ хуҫа халӑхӑн ҫершывне,
Унӑн вӑйлӑран-вӑйлӑ историне.
Хепри Турӑ — этемӗн чи пуҫлӑхӗ,
Ӳкерчӗксенче скарабей пуҫӗпе,
Хепри Турӑ — тӗнче ырлӑх-пурлӑхӗ,
Ҫутатать авалхи халӑхӑн чысне.
Ювелир ӗҫӗ скарабей сӑнӗпе
Пуҫланнӑ темиҫе пин ҫул каялла
Ырласа ҫав вӑхӑтри культурине,
Эрешлесе Нефертити илемне.
Паллӑ кинофильм «Фараон» ҫыххинче
Курӑнаҫ скарабей чыслӑ сӑнӗсем,
Папируссем, чуллӑ ҫырансем ҫинче
Сыхланаҫ халӗ нӑрӑ сӑнарӗсем.
Ҫыру-тӑмхара илемлӗ скарабей
Йӑваланӑ чӑмӑр — хӗвел символӗ
Тӗртет тӳпере хускатса хӗвеле,
Вӑй-хал парса хӑйне шеллемесӗр.
