Сăваплăхшăн тата тивĕçлĕхшĕн тăнă кĕрешÿре сана чи шаннă çынсем сутрĕç пулсан та, сан йери-тавра тăшмансем пулсан та, эсĕ тăр пĕччен тăрса юлтăн пулсан та, — ан парăн! Пĕл: эсĕ нихăçан та пĕччен юлмăн, санăн юн тымарĕсенче несĕлÿсен, сăваплă арсен юнĕ юхать! Çав юн сана нихăçан та сутмĕ, кирек мĕнле йывăрлăхра та çăлĕ! Эсĕ те çак юна ан сут!
Несĕлсен пехилĕ
Ашшĕ-амăшĕ пиллесен — пин пулать, пиллемесен — кĕл пулать.
Çĕклĕнтĕн хăв, çĕкле хăвăн йăхна.
Хура çăкăр çиекен хура пулман тет.
Сӑкӑт ял ачи Юхма Мишши
Ҫуралнӑ шурӑмпуҫ ҫуттинче,
Шура барс ҫӗнтернӗ ҫулӗнче,
Ака-суха пуҫламӑшӗнче.
Сӑкӑт ял ачи Юхма Мишши
Ҫуралсан ыйтнӑ амӑшӗнчен:
«Кала хӑв ятна мана, анне,
Итлес килет аттен сассине».
Сӑкӑт ял ачи Юхма Мишши
Каланӑ ашшӗне кӗрсенех:
«Лар ҫывхарса ывӑлу патне!
Юрласа пар сӑпка юррине».
Сӑкӑт ял ачи Юхма Мишши
Ҫуралнӑ Пӑла шыв ҫумӗнче,
Шурӑмпуҫ ҫӑлтӑрӗ ҫуттинче,
Шухӑшласа йӑх-несӗл ҫинчен.
