Загляните в прошлое — славные деяния ваших предков, —
это поможет Вам и Вашим потомкам открыть дорогу в будущее.
Сӗм авалтан ҫепӗс лӗпӗшсем —
Асамат кӗперӗ тусӗсем.
Чипер тӗрӗллӗ ҫуначӗсем —
Хаклӑ йышши чулсен тӗсӗсем.
Ӗмӗтри-шухӑшри лӗпӗшсем —
Тӗрӗсех чечексен теттисем,
Тӗсӗсемпе пӗрешкел вӗсем,
Пӗрле черченлӗ эрешсем.
Алмаз пек кӗтеслӗ куҫӗсем
Пӗлтереҫ тӑшман ҫывхарнине,
Икшерӗн вырнаҫнӑ урисем —
Вӗҫӗмсӗр ӗҫлӗхлӗ тунисем.
Ик енчи вӑрӑмрах уссисем —
Ырӑ шӑрш пӗлмелли тӗкӗсем,
Сӑмсине ӳстерсе лӗпӗшсем
Ӗҫеҫ пиҫнӗ ҫырла сӗткенне.
Лӗпӗшсем илӗртеҫ атьсене
Вӗҫсе чечекрен чечек ҫине,
Ача-пӑча шӑппӑн киленсе
Йӗрлеҫ чиперкке лӗпӗшсене.
Кӑнтӑра вӗҫтереҫ кӗркунне
Ҫемйипе пӗр тӗслӗ лӗпӗшсем.
Ҫӗкленсе килелле ҫуркунне
Ҫиҫкӗн вӗҫеҫ хӑйсен тӗнчине.