Егдаж возвратихомся ко цареви нашему, со пресветлым одолением, он же тогда повелел опочивати оному утружденному войску аки восемь дней. И по осьми днях, сам поиде с воинством Казани, на место великое, глаголемое Муром, еже лежит от поля уже крайне, Казанским пределом, и оттуду, через поле дикое, аки месяц шел к оному предреченному новому граду, поставленному на Свияге, идеже воинство его ждало с великими делы и со многими запасы, яже приплыша Волгою, рекою великою.
